Presidenti amerikan Donald Trump priti në mesnatë, me orën lokale amerikane, tre shtetasit amerikanë që u liruan pas një kohe të gjatë nga Koreja e Veriut.

Trump u shpreh se kjo “ishte një natë speciale për këta njerëz realisht të mëdhenj”, duke i pritur me duartrokitje teksa zbrisnin në bazën “Andrews” të Forcave Ajrore, pranë Uashingtonit.

Shtëpia e Bardhë njoftoi se të tre ata u liruan si gjest i vullnetit të mirë përpara takimit të planifikuar mes presidentit Trump dhe udhëheqësit koreano-verior, Kim Jong-un. Presidenti amerikan deklaroi gjithashtu se vendi i samitit do të shpallej “brenda 3 ditësh”.

Trump dhe bashkëshortja e tij Melania hynë në avionin që ishte ulur rreth orës 2:45 të mëngjesit në bazën ajrore, e pak minuta më vonë dolën prej andej së bashku me 3 të liruarit.

Shefi i Shtëpisë së Bardhë vlerësoi faktin që Kim Jong-uni lejoi njerëzit të largoheshin nga vendi i tij “gjë që me sinqeritet, as nuk mund të mendohej se do të ndodhte përpara takimit”.

I pyetur nga mediet nëse kjo ishte një arritje që e bën atë krenar, Trump tha se kjo do të bëhej e mundur “vetëm kur i gjithë gadishulli të denuklearizohej”.

“Është nder për mua, sigurisht. Por, lavdia reale do të shënohet kur të arrijmë fitoren në asgjësimin e armëve bërthamore në gadishullin Korean”, tha ai.

Trump tha se shpresonte që një ditë të mund të udhëtonte drejt Koresë së Veriut, e se besonte që Kim Jong-uni dëshironte padyshim ta rikthente vendin e tij në “botën reale”.

Tre të liruarit, Kim Hak-song, Tony Kim dhe Kim Dong-chul, dolën të buzëqeshur dhe u shfaqën në gjendje të mirë shëndetësore, pavarësisht se ishin të dënuar me punë të detyrueshme dhe të rëndë në vendin komunist.

PËRGJIGJU

Please enter your comment!
Please enter your name here