Ish-ministri i Brendshëm Saimir Tahiri do të dëshmojë javën tjetër në gjyqin ndaj Emiljano Shullazit.

Por në këtë seancë janë thirrur për të dëshmuar edhe drejtori i përgjithëshm i Policisë së Shtetit, Haki Çako, rektori i Universitetit të Tiranës, Mynyr Koni dhe ish-rektori Dhori Kule.

Tahiri dhe dy akademikët do të dëshmojnë pikërisht për kërcënimet që Shullazi kishte bërë bërë para zgjedhjeve në Universitetin e Tiranës.

Prania e tyre lë të kuptohet se në fokus të seancës do të jetë kërcënimi i përfolur i Konit për t’u tërhequr nga gara për rektor të Universitetit të Tiranës.

Në seancën e kaluar ndaj Shullazit, i konsideruar edhe nga ambasadori i SHBA si një figurë kyçe e botës shqiptare të krimit, dëshmuan tre biznesmenë.

Ndërkohë së seancën e sotme ndaj tij, dëshmoi biznesmeni nga Lushnja, Adriatik Kërçuku, të cilit iu vu tritol.

Ai mohoi ta njihte Shullazin, por tha se i kishte dërguar dy persona.

“Nuk e njoh Shullazin, se kam takuar ndonjëherë. Dy ditë para vendosjes së tritolit më takuan dy persona. Më thanë që Shullazi donte të më takonte”, ka thënë ai.

PËRGJIGJU

Please enter your comment!
Please enter your name here