Kryeministri Edi Rama po zhvillon në Velipojë mbledhjen e dytë informale me ministrat e rinj të kabinetit qeveritar.

Formati i mbledhjes pritet të jetë ai i mbledhjes së parë që u zhvillua në Llogara. Mbledhjes i janë bashkuar krahas ministrave edhe kreu i grupit parlamentar socialist Taulant Balla dhe Gramoz Ruçi, i cili është propozuar për të drejtuar Parlamentin.

Sipas burimeve, në mbledhje do të diskutohet programi qeverisës për 4-vjeçarin e ardhshëm, funksionimi i ministrive pas ristrukturimit të tyre dhe ngritja e grupit të ekspertëve që do të merren me implementimin e planit të hartuar brenda dhjetorit.

Mbledhja informale e qeverisë vjen 3 ditë përpara mbledhjes së Parlamentit, i cili është thirrur paraditen e së shtunës, në orën 9:00.

Burime i thanë Top Channel se të shtunën, ndryshe nga sa ishte thënë më parë, mund të bëhet edhe dekretimi dhe votimi i qeverisë. Më parë mendohej se votimi i dekreteve do të bëhej të hënën, në 11v shtator. Por, mesa duket, vizita zyrtare e Presidentit Ilir Meta në Itali ka shpejtuar procedurat.

Në bazë të Kushtetutës, pas votimit, kryeministri dhe ministrat bëjnë një ceremoni betimi formal në Presidencë.

PËRGJIGJU

Please enter your comment!
Please enter your name here