Basha me kongresmenë të SHBA-së: Qeveria dhe krimi manipuluan zgjedhjet

0
87

Situata në Shqipëri dhe rajon, bashkëpunimi strategjik me SHBA për t’u përballur me kërcënimet e krimit të organizuar, trafikut të drogës dhe korrupsionit ishin ne qendër të takimit që kryetari i Partisë Demokratike, Lulzim Basha pati mbrëmë gjatë një darke pune me kongresmenët Devin Nunes, Kryetar i Komisionit për Inteligjencën në Kongresin amerikan dhe Rick Craëford, anëtar i këtij komisioni.

Mësohet se kreu i opozitës i njohu kongresmenët amerikanë me fakte dhe të dhëna për rolin e organizatave kriminale në bashkëpunim me qeverinë për blerjen dhe manipulimin e votës së 25 qershorit.

Bashkëbiseduesit ndanë shqetësimin për shumë prej problemeve të evidentuara në zgjedhje dhe u shprehen në mbështetje të një reforme të thellë zgjedhore dhe zbatimit të reformës në drejtësi.

Po ashtu, bëhet e ditur se ata shprehën shqetësimin për rritjen galopante të kultivimit e trafikimit të drogës në Shqipëri.

Siç mësohet, Basha i siguroi kongresmenët për qëndrimin e palëkundur të PD, në luftën kundër korrupsionit, krimit të organizuar dhe drogës, në shërbim të demokracisë, sundimit të ligjit dhe të ardhmes europiane të Shqipërisë dhe mbarë rajonit.

PËRGJIGJU

Please enter your comment!
Please enter your name here