Basha: Tahiri, Xhafaj dhe Balili, trafikantët që duhet të arrestojë Rama

Pak pas paralajmërimit të kryeministrit Rama për nisjen enjë operacioni kombëtar kundër elementëve kriminalë që kultivojnë dhe trafikojnë kanabis në vend, kreu i opozitës Lulzim Basha ka thënë se “kokat” e krimit në Shqipëri kanë lidhje me pushtetin.

Në një status në profilin e tij në “Facebook”, Basha është shprehur se “koka” që ka kthyer vendin në një plantacion me kanabis është ish-ministri i Brendshëm, Sajmir Tahiri.

Kreu i opozitës ka theksuar se Rama do të arrestojë disa fshatarë të varfër dhe jo krerët e grupeve kriminale të lidhur me pushtetin.

Postimi i Bashës

Me seriozitetin tragjiko-komik që e ka pushtuar, Edi Rama shpalli sot para botës një tjetër betejë historike: luftën heroike kundër kanabisit dhe grupeve kriminale të lidhura me drogën. Por, tashmë, dihet se herozimi i vetëm i Ramës është të arrestojë keqbërësit e vegjël, ata që nuk janë aq të mëdhenj sa të kenë lidhje me pushtetin.

Koka e kthimit të Shqipërisë në plantacion kanabisi është Sajmir Tahiri, aq sa edhe partnerët e huaj i vunë ultimatumin Ramës për largimin e tij,si kurrë ndonjëhere. Por ata që presin që aksioni i Ramës të prekë Tahirin do të zhgënjehen. Trafikanti ndoshta më i madh i drogës në Shqipëri është Klement Balili, të cilin e Edi Rama e la të lirë edhe pse e kërkonte qeveria e SHBA-ve, sepse po të fliste Balili rrëzohej gjysma e ministrave. Prandaj, ata që presin që me aksionin e tij Rama të arrestojë Balilin do të zhgënjehen. Një nga trafikantët më të kërkuar të drogës në Evropë është vëllai i Fatmir Xhafës, por ata që presin që aksioni i Ramës ta arrestojë atë do të zhgënjehen, gjithashtu.

Aksioni i Edi Ramës do të arrestojë ca fshatarë të varfër dhe ca kriminelë të vegjël. Kriminelët e vërtetë do të qeverisin vendin së bashku me Ramën. Derisa populli t’i largojë.

Leave a Reply

Your email address will not be published. Required fields are marked *